لازم تشاركوا معانا كلكم

دي مبادره وليها تفاصيل كتير وبحاول اتصل
ياريت بس حضرتك تقري دا ملخص سريع
وياريت بجد توصل لكل شباب مصر هتغير مصر جامد اوي


بسم الله الرحمن الرحيم
مش بصدد اننا هنناقش اللي حصل
مؤيد معارض محايد كله بيحب مصر عشان كده لازم كلنا نشارك
دي فكره وانا بدأت بتنفيذها بالفعل
دا جروب عالفيس بوك
اسمه شباب هتصلح مصر ... لا للسلبيه
عشان منرجعش زي ماكنا نساهم في بلدنا ونعمرها بايدينا
نحدد اللي عاوزينه مش يفرض علينا واحنا ساكتين ونرجع نتذمر

الجروب هدفه نكون اكبر عدد من الشباب فسننا
ونكون حزب او جمعيه وان كنت ميال لحزب
وهيبقي بشكل رسمي بس هنتناقش لما العدد يوصل عدد كبير ان شاء الله
يبقالنا انشطه اجتماعيه قويه جدا وثقافيه وسياسيه
وكل واحد يشارك فاللي بيحبه نبقي بفكرنا المبدع اللي لو خد فرصه بدل مايروح هدر علي قهاوي
وعلي النت من غير طائل يروح علي الصح النت الحياه لكن بشكل مجدي
نحس بذاتنا واعتقد اننا هنبقي حاجه رائعه احسن من الاحزاب او حتي المؤسسات اللي بيديرها عقول متحجره معندهاش جديد
وكله روتين احنا مبدعين كلنا افكارنا ممكن تخلي مصر حاجه تانيه
ووقتها هيبقالنا مقرات في كل مكان في مصر
وان شاء الله هتبقي فكره رهيبه
انا حاليا بحاول اتوصل مع كل القنوات التليفزيونيه والصحفيه واللي يقدر يساعد ياريت
واهم شيء نلم اكبر عدد ممكن
اللينك اهو واي حد عنده فكره يساهم هنا او هناك
بس خلاص مش هنناقش الفكره دلوقتي كلنا بنحب مصر بسسسسسسسس

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله الرحمن الرحيم

كله كان بيسأل عن خطة العمل والفكرة عشان مش واضحه لدي بعض الناس قليلا إليكم التفاصيل وقبل ماأبدأها احب اوضح ان دي فكرتي انا فلسه الفكر الجماعي لينا كلها ممكن تتعدل وتتطور اكتر بالشباب الجميل اللي افكاره مبدعه لو ادالها الفرصه
مبدئيا الفتره دي كان هدفي هو الوصول لقنوات الاعلام والحمدوالشكر لله تم ذلك بشكل جزئي وربنا يكرم وهيتم بشكل كلي وهعلنلكم التفاصيل كامله اول مايحصل حاجه وتجيع اكبر عدد

ايه الفكره بقه
الفكره هي اكبر تجمع شبابي لكل شباب مصر علي مختلف فكرهم ومؤهلاتهم وتوجهاتهم في شكل حزب ولكن قبل ماحد يرد مش حزب بالشكل الكلاسيكي اللي قائم عليه
احنا متفقين ان الاحزاب مش بتقوم بعمل واضح لدينا احنا هناخد فكره التنظيم المسمي هيكون فقط عشان نشاطتنا مش هتقتصر علي الحاجات التانيه هيكون فيها نشاط سياسي ايضا للشباب اللي اصبح واعي لكن تحت مراقبه ناس هنختارهم هيوجهونا من الناس اللي بنثق في ارائنا
المهم نقول بقه في نقط
1- كل الشباب بلا استثناء علي مستوي كل محافظات وربوع مصر هتشترك معانا
2- هنقدم بطلب رسمي للقنوات الشرعيه في الدوله بطلب لعمل مقرات والاعتراف بينا رسميا خصوصا ان لما اطرح الموقف المسئولين مبدئيا قالوا ان الحياه في مصرحاليا تتسع وموافقين جدا
3- هنخرج الفكر الابداعي اللي محبوس طول عمره لكن في شكل منظم يقدر يتنقل لصوره علي الواقع هتخلي مصر اقوي دوله في العالم مع الوقت بشبابها اللي هما اذكي شباب العالم
4 - نشاطتنا هتبقي لجان وطبعا التنظيم بتاع كل شيء دا له وقته لكن هيبقي لجان سياسيه هتنقل افكارنا لفوق وهنطالب ان اي لجنه شباب سواء في مجلس الشعب او الشوري او في اي موقع سياسي تكون شباب بالفعل
5- المشتركين معانا هيبقي كلهم شباب لفئه عمريه محدده وهيبقي بس في كل موقع ناس هنختارهم من الحياه العامه يوجهونا في كل المجالات ونثق فيهم وهيتم اختيارهم بالنقاش
6 - هيكون لينا لجان اجتماعيه ودورها المساعده بشكل فعال وافكارو تنفيذ ان شاء الله في كل مناحي الحياه في مصر وطبعا فكرنا هيبدل الفكر الروتيني القديم اوي
7 - لجان ثقافيه تطلع وتوفر الفرصه للموهوبين في كل شيء بدل ماالمواهب بتدفن وطبعا في نشاطات اوسع من كده بكتير
8 - لجان شباب دي خاصه بدراسه مشاكل الشباب خصوصا انهم اهم فئه هتطور البلد وفوق دا لجان المرأه ودورها فتطوير المجتمع المصري
9 - لجان لمصر جديده هنشوفها من غير روتين ولا ولا ولا وبدل مانبقي زي الناس بنمتعض وننتقد هنشوف حلول توفي اننا منشوفش الكلام دا كله لكن من غير مانضر الكيان الاساسي عشان في ناس بتتكلم وخلاص مش عارفه ان مفيش بديل احنا هنوجد البديل
10 - لجان انسانيه وربنا يكرم وهيبقي دا دوره معروف
11 - لجان رياضيه وليها اهداف معينه ربنا يكرم
12 - ياريت الاهم من دا كله تكونوا فهمتوا قصدي لسه طبعا في لجان كتير بس دور الحاجات دي كلنا ماشاء الله تمانين مليون دكتور وتمانين مليون ناقد رياضي وتمانين مليون محلل سياسي ليه بقه منشاركش وانا واثق ان اي فكره هتعدل حاجه كلنا سلمنا بيها وبقت عاده ومش عارفين نغيرها هنغيرها بايدينا في كل شيء
13 - الحزب لاول مره هيبقي المشتركين فيه مش كلهم توجه سياسي كل واحد فالمجال اللي يبدع فيه فقط وبالتالي التخصصيه هتجيب نتايج روعه
14 - الطاقات اللي بتوجه ناحيه حاجات سلبيه هتتوجه في ناحيه صحيحه تماما عشان نفسنا ومصرنا عشان اللي بيقول هعمل للبلد ليه انت هتعمل لنفسك في صوره مصر
15 - عندي فكره مبدأيه مش هعرض كل الافكار دلوقتي لكن هقولها بما اننا بدأنا بيطلبوا اعانات للبطاله طيب احنا مثلا هنبقي متطوعين اغلبنا اللي هيثبت انه بيدور علي شغل من مستوي تعليمي متوسط عالي منخفض بدل ما الدوله تتحمل كام مليار لفلوس اعانات بطاله وهيحصل بلاوي بسبب كده
تخيلوا معايا لو 29 محافظه فيهم مكان للحزب بتاعنا الناس دي تشتغل في الحزب بمجهودها وافكارها وتاخد فلوس اعانه البطاله في شكل كان الدوله وظفتها ووظفتها فحاجه تفيد الدوله بجد ويبقي كده الدوله انتفعت البطاله هتختفي بشكل بشع ورهيييييب لانه هيستوعب اعداد ضخمه وفنفس الوقت كل واحد فالاتنين هيبقي حاسس انه بيدي او بياخد الفلوس في مقابل رهيب وفنفس الوقت مش متعب

طبعا في افكار اخري لكن انا قلت اوضح الفكره علي اد ما اقدر ونتلقي اتصالاتكم حاليا علي التوبيك هنا وياريت تنشروها قدر الاستطاعه اعتقد انها هتبقي بجد نقله حضاريه في تاريخ مصر ملهاش مثيل